Віншуем па-беларуску
Радзіма верыць вам
Навабранцам
Даюць прысягу юнакі -
Трымаюць цвёрда сваё слова.
Адказны час у іх такі:
Армейцы — міру ў нас аснова.
Шмат дзён спакойна не заснуць:
Ёсць даручэнне ад народа -
Надзейна вахту панясуць,
Каб існавала вакол згода.
Даверылі бацькі, дзяды
Ім лёс, жыццё, зямлю, палацы...
Прамчацца хутка два гады -
Прыступяць зноў яны да працы.
Жадаем мужнасці заўжды.
Хай доблесць войскам верхаводзіць.
I мірнаму жыццю тады
Ніякі вораг не нашкодзіць.
Закрыць жа межы на замкі
Няма магчымасці, як дзверы.
Радзіма верыць вам, сынкі.
Дастойны будзьце гэтай веры!
Мужчынам
Пра маці, жанчыну, дзяўчыну
Пісалі ўсе безупынна.
Аддаць вам патрэбна даніну.
Пішу для вас я, мужчыны.
Мужчыны, мае вы мужчыны,
Вам шлюць прывітанне жанчыны,
Вы — наша краса і апора,
I сёння, і заўтра, і ўчора.
Мужчыны, мае вы мужчыны,
Вы — заўтрашні дзень і ўспаміны.
Вы — нашая сіла, каханне.
Вы — нашае замілаванне.
Вы — нашая радасць, натхненне,
Вы — наша журба і сумленне.
Вы — гонар, наш боль, засмучэнне.
Ад страху, няўзгод пазбаўленне.
Заўсёды ад бед баранілі.
Дык няхай жа вам Бог дае сілы
На працу, каб выхаваць дзетак,
Каб жонкам дарыць мора кветак.
Мужчынам да 23 лютага
Вы - самыя найлепшыя ў свеце,
Разумней, прыгажэй за вас няма.
Мы вамі ганарымся і, паверце,
Ад кожнага, як кажуць “без ума’”
У гэтым вам прызнацца нам пара.
Са святам вас, любімыя:
- Ура!
Галіна Калтунова
Хоць вас, мужчынкі, малавата,
Ды пахвалы з вас кожны-варты.
I як ні глянь: з душы, з натуры
Няма заган, няма халтуры.
Узяць дырэктара-прывабны,
Рухавы, спрытны, станам ладны,
У вачах задор зусім юнацкі...,
Дальбог, мужчына ён на цацку!
Сярожкі ж, Гена, Саша, Вова
Як пройдуць школай зухавата,
Аж млеюць ім услед дзяўчаты!
Калеснік - хлопец хоць куды,
Бо без яго, як без вады!
Ну, а ў Мікол неспадзявана
Усе жанчыны закаханы!
I мараць, каб на свой рахунак
Занесці іхні пацалунак.
Без Дзімы, Толі і Віталя
Хмурнеюць сонечныя далі.
Ля іх віруюць пастаянна
Нібыта кошкі ля смятаны
Настаўніц цэлыя букеты,
А кажуць - сціплыя кабеты...
Не, толькі ў нас такія хлопцы,
На ласку шчодрыя, як сонца,
Мы Вас ніколі не змяняем
I ў свята шчасця вам жадаем.
Сягоння шчыра прызнаёмся:
Вам, кожнаму ў любві- клянёмся!
Мы вельмі ўсіх вас паважаем,
За Вас кілішак паднімаем!
Галіна Калтунова
І вы, ў каго на скронях сівізна,
І хлопцы стройныя з паглядам шчырым –
Каб мір квітнеў, каб згінула вайна,
На варце нашы слаўныя мужчыны.