Віншуем па-беларуску
Пра Ваню
Начальніку
Ды каб штодзённа дзяўчаты, жанчыны
Вас успрымалі як супер-мужчыну,
Каб надзялялі вы, нібыта казкай
Родных настаўніц мужчынскаю ласкай.
Мы ж, далібог, будзем вельмі старацца,
Каб вам заўжды ва ўсім падабацца!
Зычаць вам доўгія, светлыя ранкі
Вашы дарадцы, сябры-каляжанкі.
Гадавала сыночка ў хаце
Лепшая ў свеце маці,
Над калыскай малітву шаптала,
Лёс-надзею яму наракала:
-ТЫ расці, падрастай, мой сыночак,
Моцным будзь, як у лесе дубочак,
Стань для жонкі надзейным мужам,
Ды заўжды будзь здаровенькім, дужым.
Будзь ласкавым, як сонейка ўлетку,
I пад зоркай Дабра гадуй дзетак,
Не зайздросці ніколі нікому,
Дараваць навучыся любому.
Не падвёў той сыночак маці,
Стаў апорай у роднай хаце,
Мужам, бацькам найлепшым самым
I дарадцам для ўсіх паважаным.
Як ніхто, умее ён падтрымаць,
Словам, жартам напружанне зняць,
А ў крыўдзе нікчэмнай - прабачыць,
А ў сяброўстве надзейным - аддзячыць.
Вось таму сёння ў Дзень нараджэння
Людзі ўдзячнасць яму выпраменьваюць,
Вось чаму з цёплым ліпеньскім сонцам
Зычым вам мы жыцця бясконцага,
Шчасця, плёну, здароўя і радасці,
Каб вы доўга не ведалі старасці.
Хай вас Бог ад нягод ратуе.
I падорыць надзею святую,
Што ваш лёс будзе і надалей
Самых сонечных ранкаў святлей.
Галіна Калтунова
Куму
За цябе налью я чарку,
Закушу гурком і шкваркай,
Уздыму вясёлы шум:
- Будзь здароў, мой родны кум!
Бывае па-рознаму ў гэтым жыцці:
Нервовыя спады і радасці,
Праз крыўду і роспач патрэбна прайсці,
Праз горыч благіх нечаканасцей.
I шчасце, калі можна сэрца суняць
Ля чыстай душы чалавека,
Які ўмее ў цяжкасцях і падтрымаць,
Які можа ў вочы праўду сказаць
I што вельмі важна, патрабаваць,
Не мераць усіх адной меркай.
Такім успрымаем мы,ведайце, Вас.
Для нас Вы - надзейны мужчына.
Даруе хай жонка: таму што не раз
Ўздыхаюць услед Вам жанчыны.
Няхай наша прыязнь Вам сілы дае,
Душа ж хай штогод маладзее.
Калі ж чаго, можа, яшчэ не стае,
Паверце: то будзе, не трацьце надзею!