Віншуем па-беларуску
Няхай жа ў святле каляднай свечкі
Асветліцца і ваш далейшы шлях,
Няхай жа будуць ісцінамі вечнымі:
Святло надзеі, радасць у вачах.
Новы год і раніца светлая, калядная.
Шчасця мы жадаем, міру, згоды, ладу вам.
Будзе сонца ясным, сумам не захмарыцца.
Ды няхай жа збудзецца тое, аб чым вам марыцца.
Скажам зноў і зноў мы:
Шчасця вам, багацця!
Свята ў Божым доме,
Свята ў кожнай хаце!
З Новым вас добрым і радасным годам,
Хлеба і сонца, міру і згоды!
Моцнага ўсім вам здароўя, сябры,
Мірная зорка хай ярка гарыць,
Збудуцца ўсе вашы мары, жаданні,
Светлым і радасным стрэне вас ранне!
Каляднае сонца хай свеціць ясна,
Цёплымі промнямі душы ласкавіць.
Мароз жа хай будзе лагодным,
А жыццё ваша мірным, заможным.