Віншуем па-беларуску
Дару падушкай, каб хадзіла Ванюшкай.
Дару маладую падушкаю, бо не гуляць ёй больш дружкаю.
Дару падушачку, каб радзіла дачушачку.
Дару пакрывала (сама ткала), каб маладая маладога пацалавала.
Дару пакрывала (сама прала, ткала, вышывала), каб маладая кожны дзень засцілала ім пасцель.
Дару табе палаценца, каб круціла вераценца.
Дару паленца, каб муж пацалаваў у каленца.
Дару маладую пасцелькаю белаю; глядзі, каб не стала яна ў вас карэлаю.
Дару пацалунак, каб у хаце быў заўсёды пачастунак.
Дару петуха, каб маладая не шукала сабе другога жаніха.
Дару іржавай пілою, каб жонка не была такою.
Дару пірагом, каб не думала аб другом.
Дару платочак, каб мела шмат дочак.
Дару проса, каб не глядзела на свякруху коса.
Дару мяшочак проса, каб маладая не задзірала носа.
Дарым бочку проса, каб жонка насіла жывот вышэй носа..
Дарую ражку проса, каб не хадзіла боса.
Дару каробку пуху, каб нявеста пацалавала свякруху.
Дару пушком, каб праз пару месяцаў маладая была з трыбушком.
Дару табе пярсцёнак, каб муж не хадзіў да чужых жонак.
Дару маладую пяцёркаю, каб была добраю жонкаю.
Дару табе пяцёрку, каб пацалавала свякроўку.
Дару радыску, каб маладая калыхала калыску.
Дару табе ражок, каб срачка была як піражок.
Дару рашатом, каб маладая ляжала ўверх жыватом.
Дару ружу, каб жонка не здраджвала мужу.
Дару рубель, каб купіла калыбель.
Дару рубля, рубля з галавою, каб маладая была некранутою і не была ўдавою.
Дару ружу чырвоную, як кроў, каб маладая пацалавала свякроў.
Дару рыдлёўку, каб не крыўдзіла свякроўку.
Дарую «рысь», каб у маладой ніколі слёзкі не лілісь.
Дару кавалак сала, каб маладая маладога пацалавала.
Дару салому, каб не забываць бацькоўскага дому.
Дару сальнічку, каб у маладой заўсёды было чыста пад спаднічкай.
Дару самавар, каб мужык быў гаспадар.
Дарую сасной, каб маладая не была ўдавой.
Дару свечку, каб не была як авечка.
Дару маладой серабро, каб давала мужу дабро.
Дару сіта, каб жонка ніколі не была біта.
Дару збанок смятаны, каб мужык не прыходзіў п’яны.
Дару цябе густымі снапкамі, рэдкімі дзяткамі.
Дару нявесце спадніцу, каб яна заўсёды была чараўніцай.
Дару спіцы, каб не была дурніцай.
Дару спічкі, каб маладая маладому не круціла хвічкі.
Дару солі, каб не жыла ў горы.
Дару табе столік, каб муж не быў алкаголік.
Дару два сшыткі, каб маладая не паказвала лыткі.
Дару кусок сыра, каб маладая нарадзіла сына.
Дару таварам, каб ад мужа не адварочвалася тварам.
Дару табе талерку, каб мужык не піў гарэлку.